اسلام آباد()صدر نیشنل پریس کلب عبدالرزاق سیال، سیکرٹری ڈاکٹر فرقان راؤ، فنانس سیکرٹری عابد عباسی سمیت گورننگ باڈی کے تمام نومنتخب اراکین نےرسجا انتخابات میں کامیابی پرنومنتخب عہدیداران کو مبارکباد پیش کی ہے۔ رسجاانتخابی عمل الیکشن کمیٹی کے چیئرمین شہریار خان کی سربراہی میں مکمل ہواجبکہ رانا فرحان اسلم، شاکر عباسی اور عاصم جیلانی الیکشن کمیٹی کے ارکان میں شامل تھے،رسجا انتخابات میں ابوبکر بن طلعت مسلسل دوسری مرتبہ صدر منتخب ہوئے جبکہ ذوالفقار بیگ سینئر نائب صدر منتخب ہوئے، زاہد اعوان اور اصغر علی مبارک نائب صدور، عمبرین علی جنرل سیکرٹری، ذیشان قیوم سینئر جوائنٹ سیکرٹری، اویس لطیف اور عقیل انجم جوائنٹ سیکرٹریز، جبکہ ناصر عباس نقوی فنانس سیکرٹری منتخب ہوئےجبکہ گورننگ باڈی کے لیے فہیم انور خان، گیبریل ڈی سوزا، اویس عباسی، کرن خان اور عاصم ریاض بلا مقابلہ منتخب ہوئے،این پی سی قیادت نے رسجا کے نومنتخب صدر ابوبکر بن طلعت، جنرل سیکرٹری عمبرین علی، فنانس سیکرٹرین ناصر عباس نقوی سمیت تمام نومنتخب عہدیداوں کے نام تہنیتی پیغام میں کہا ہے کہ یہ کامیابی صحافتی برادری کے اعتماد، آپ کی انتھک محنت، دیانت داری اور پیشہ ورانہ صلاحیتوں کا روشن ثبوت ہے،امید ہے کہ ان کی قیادت میں رسجا مزید مضبوط، فعال اور مؤثر ادارے کے طور پر صحافیوں کے حقوق کے تحفظ، ان کی فلاح و بہبود، پیشہ ورانہ ترقی اور صحافت کے اعلیٰ اقدار کے فروغ کے لیے نمایاں کردار ادا کرے گا اور نومنتخب قیادت باہمی مشاورت، اتحاد، شفافیت اور خدمت کے جذبے کے ساتھ تمام صحافیوں کی توقعات پر پورا اترتے ہوئے ادارے کو ترقی کی نئی منزلوں تک پہنچائے گی۔ صحافتی برادری کو درپیش مسائل کے حل، اظہارِ رائے کی آزادی کے تحفظ اور صحافیوں کے وقار کی سربلندی کے لیے آپ کی کاوشیں قابلِ قدر ثابت ہوں گی۔
