اسلام آباد() پرنسپل انفارمیشن آفیسر (پی آئی او) ریئسہ عادل کا نیشنل پریس کلب اسلام آباد کا دورہ، صدر پریس کلب عبدالرزاق سیال۔سیکرٹری ڈاکٹر فرقان راو۔فنانس سیکرٹری عابد عباسی و خوات عہدیداران نے استقبال کیا ۔
اسلام آباد() پرنسپل انفارمیشن آفیسر (پی آئی او) ریئسہ عادل کا نیشنل پریس کلب اسلام آباد کا دورہ، صدر پریس کلب عبدالرزاق سیال۔سیکرٹری ڈاکٹر فرقان راو۔فنانس سیکرٹری عابد عباسی و خواتین عہدیداران نے استقبال کیا ۔ خواتین صحافیوں کیساتھ خصوصی نشست، خواتین صحافیوں کے مسائل کے حل اور تربیتی پروگراموں کا اعلان ، اس موقع پر ریئسہ عادل نے کہا ہےکہ صحافیوں کیلئےپاکستان انفارمیشن سروس اکیڈمی کے تعاون سے مختلف تربیتی کورسز، خصوصاً فری لانسنگ، ڈیجیٹل میڈیا، کلائمٹ رپورٹنگ اور جدید صحافتی مہارتوں پر پروگرام شروع کئے جائیں گے تاکہ صحافی بدلتے ہوئے میڈیا منظرنامے سے ہم آہنگ ہو سکیں، میڈیا تیزی سے ڈیجیٹل دور میں داخل ہو رہا ہے، اس لیے صحافیوں خصوصاً خواتین کی صلاحیتوں میں اضافے (Capacity Building) پر توجہ دینا وقت کی اہم ضرورت ہے، خواتین صحافیوں کے مسائل کو متعلقہ حکام تک مؤثر انداز میں پہنچائیں گی اور ہر ممکن تعاون فراہم کریں گی، ریئسہ عادل نے نیشنل پریس کلب میں خواتین صحافیوں کے لیے علیحدہ لیڈیز روم، آرام گاہ اور بچوں کے لیے ڈے کیئر جیسی سہولیات کی ضرورت پر بھی زور دیا اور یقین دلایا کہ وہ ان تجاویز کو متعلقہ فورمز پر اٹھائیں گی،صحافی خواتین کے لئے ایکریڈیشن کارڈ۔ صحت کارڈ ، ڈیجیٹل جرنلسٹ کے لئے ایکریڈیشن کارڈ اور صحافی خواتین کے لئے پریس نفارمیشن ڈیپارٹمنٹ میں حل طلب مسائل کے لئے ویمن جرنلسٹ ہیلپ ڈیسک بنانے کی تجویز پر ریئسہ عادل نے یقین دہانی بھی کرائی، انہوں نے ان خیالات کا اظہار نیشنل پریس کلب اسلام آباد میں خواتین صحافیوں کے ساتھ خصوصی نشست میں شرکت کے موقع پرگفتگو کرتے ہوئے کیا، این پی سی آمد پر ان کا پرتپاک استقبال کیا گیا۔ اس موقع پر نیشنل پریس کلب کے صدر عبدالرزاق سیال، سیکرٹری ڈاکٹر فرقان راؤ، فنانس سیکرٹری عابد عباسی،سینئر نائب صدر احتشام الحق، نائب صدر بشیر چوہدری، نائب صدر سحرش قریشی، سینئر جوائنٹ سیکرٹری شیراز گردیزی، جوائنٹ سیکرٹری سید عون شیرازی، ممبر گورننگ باڈی عامر رفیق بٹ، فرح ربانی، عائشہ ناز، سابق ممبر گورننگ باڈی نوید احمد شیخ گورننگ باڈی کے ارکان اور مختلف میڈیا ہاؤسز سے منسلک اورخواتین ممبران این پی سین کی بڑی تعداد بھی موجود تھی، تقریب سے خطاب کرتے ہوئے ریئسہ عادل کا مزید کہنا تھا کہ پی آئی او کی ذمہ داری سنبھالنا ان کے لیے اعزاز کیساتھ ساتھ بہت بڑی ذمہ داری بھی ہے، انہوں نے نیشنل پریس کلب میں خواتین صحافیوں کے لیے علیحدہ لیڈیز روم، آرام گاہ اور بچوں کے لیے ڈے کیئر جیسی سہولیات کی ضرورت پر بھی زور دیا اور یقین دلایا کہ وہ ان تجاویز کو متعلقہ فورمز پر اٹھائیں گی۔انہوں نے کہا کہ حکومت اور میڈیا ایک دوسرے کے شراکت دار ہیں، اس لیے دونوں کے درمیان اعتماد اور رابطے کو مزید مضبوط بنانے کی ضرورت ہے تاکہ عوام تک درست اور ذمہ دارانہ معلومات پہنچائی جا سکیں،اس موقع پر صدر این پی سی عبدالرزاق سیال نے پی آئی او کی پریس کلب آمد پر شکریہ ادا کیا اور انہیں پریس کلب کے خواتین اور ممبران کیلئے اٹھائے جانیوالے اقدامات سے آگاہ کرتے ہوئے کہا کہ کہا کہ خواتین صحافی میڈیا میں اہم کردار ادا کر رہی ہیں، تاہم انہیں ملازمتوں کے عدم تحفظ، کم تنخواہوں، لے آف، تربیتی مواقع کی کمی اور کام کی جگہ پر سہولیات کے فقدان جیسے مسائل کا سامنا ہے، این پی سی نےاپنے ممبران کی استعداد کار بڑھانے کیلئے ایک ماہ پر محیط ٹریننگ ورکشاپ کا انعقاد کیا جس میں ممبران کی بڑی تعداد میں شرکت کی ،سیکرٹری ڈاکٹر فرقان راؤ نےپی آئی او کو خوش آمدید کہتے ہوئے بتایا کہ این پی سی میں مرد ممبران کیساتھ ساتھ خواتین ممبران کی استعداد کار بڑھانے کیلئے ٹریننگ ورکشاپس کرائی جاتی ہیں،جس کے بعدوہ اپنی پیشہ ورانہ ذمہ داریاں زیادہ بہتر انداز میں سرانجام دے سکتی ہیں، انہوں نے مطالبہ کیا کہ حکومت خواتین صحافیوں کے مسائل کے حل کے لیے مؤثر اقدامات کرے ، سیکرٹری فنانس عابد عباسی نے پی آئی او کی پریس کلب آمد پر شکریہ ادا کیا اور کہا کہ خواتین کی ایک بڑی تعداد این پی سی کی ممبر ہے جو مختلف میڈیا ہاوسز سے منسلک ہے، تقریب سے نائب صدر این پی سی سحرش قریشی، جوائنٹ سیکرٹری شکیلہ جلیل،سابق سیکرٹری این پی سی نیئر علی، سینئر صحافیوں فوزیہ کلثوم رانا و دیگر نے بھی اپنے خیالات کا اظہار کیا اور تجاویز پیش کیں جبکہ بعد ازاں خواتین صحافیوں اور پی آئی او کے درمیان سوال و جواب کی نشست بھی منعقد ہوئی، جس میں خواتین صحافیوں نے صحافتی شعبے میں خواتین کو درپیش مختلف مسائل جن میں ایکریڈیشن کارڈز کے حصول میں مشکلات سمیت دیگر مسائل شامل تھے کے ممکنہ حل پر تفصیلی گفتگو کی گئی۔تقریب کے اختتام پر نیشنل پریس کلب کی جانب سے ریئسہ عادل کو یادگاری شیلڈ پیش کی گئی۔